MAKTABGACHA YOSHDAGI BOLALAR ADAPTIV JISMONIY TARBIYASI: NEYRODINAMIK VA INKLYUZIV YONDASHUVLAR

Maqolada maktabgacha ta'lim tashkilotlarida alohida ta'lim ehtiyojlariga ega bo‘lgan bolalar uchun adaptiv jismoniy tarbiya (AJT) mashg‘ulotlarini rejalashtirish va tashkil etishning zamonaviy ilmiy-metodik asoslari tahlil qilingan [1; 5]. Tadqiqotda neyrodinamik yondashuv, SMART-maqsadlar, STEP tamoyili, "Sensor parhez" hamda "SMART-muhit" konsepsiyalarining amaliy ahamiyati ochib berilgan [7; 9]. Jismoniy mashqlar va harakatli o‘yinlarni bolaning individual imkoniyatlariga moslashtirish (modifikatsiya qilish) algoritmlari ishlab chiqilgan bo‘lib, ular bolalarning motor, kognitiv va ijtimoiy-emotsional rivojlanishini qo‘llab-quvvatlashga xizmat qiladi.