MUSTAQILLIK YILLARIDA OʻZBEKISTONDA YOSHLARGA OID DAVLAT SIYOSATI: TARIXIY TAHLIL

Mazkur maqolada Oʻzbekiston mustaqillikka erishganidan keyingi davrda yoshlarga oid davlat siyosatining shakllanishi, rivojlanish bosqichlari va amaliy natijalari Xorazm viloyati misolida tarixiy jihatdan tahlil qilinadi. Tadqiqotda 1991-yildan keyin yoshlar masalasining davlat siyosati darajasiga koʻtarilishi, huquqiy-me'yoriy asoslarning yaratilishi, ta'lim, bandlik, tadbirkorlik, ma'naviy-ma'rifiy tarbiya, ijtimoiy himoya va siyosiy faollik yoʻnalishlaridagi islohotlar yoritiladi. Shuningdek, Xorazm viloyatida yoshlar siyosatini amalga oshirishning oʻziga xos xususiyatlari, hududning demografik, ijtimoiy-iqtisodiy va ekologik sharoitlari bilan bogʻliq muammolar ham tahlil etiladi. Maqolada mustaqillik yillarida erishilgan yutuqlar bilan birga, yoshlar bandligi, mehnat migratsiyasi, kasb-hunar tayyorgarligi, qishloq yoshlari imkoniyatlari va raqamli tengsizlik kabi dolzarb masalalarga ham e'tibor qaratiladi.