KK1-2232 - Gwi shana myi mu ai (Why dogs can see at night)

Transcription (La Ring) Gwi ni gaw shana myi mu ai da. Moi.. hpan wa ningsang chye wa ningchyang hpan wa ningsang chye wa ningchyang e shinggyim masha ni hpe e nyan hpaji jaw na matu shaga ai da. Shaga yang she shinggyim masha ni gaw aw nat ni hpe mung shaga shalawm ai da. Nat ni hpe mung shaga shalawm rai yang she "Yawng madat la mu" ngu yang she shinggyim masha ni hpe shawng san ai da. "Nanhte e.. masha ni hpe e shana e n hpa hte e nan ai, n hpa hte e masha ni hpe nhpa hte mu ai" ngu yang, "Yawng yawng hpe hpabaw hte mu ai" ngu yang "Myi hte mu ai" ngu ai da. "Myi hte mu ai" nga rai na she gwi ni hpe rai yang gaw "Gara hku mu ai" ngu yang she "Jahkye hku mu ai" ngu ai da. Dai majaw wo ra hpan wa ningsang gaw "E nang gaw shana rai jang e myi hte mu, gwi gaw jahkye hte mu ai nga ai prat tup dai hku nanhte na dai hku nanhte ra ai dai hku rai sai yaw" ngu dat na she wo ra tsa dan wa nnang ai hku rai nga shaloi she tsa dan wa gaw Dai shinggyim masha ni myi hte mu ai nga jang wa e myi nmu na hku na myi shamak kau ya ai majaw shana amyi nmu ai da. Wo gwi ni e gaw jahkye hku mu ai nga na jahkyen hku shamak ya jahkye hku gwi jahkye hku gaw achyang pak re da. Dai majaw gwi ni gaw shinggyim masha ni gaw shana myi nmu mat, gwi ni gaw shana myi mu re ai da. Hpabaw sa wa ai mung nat sa wa mung hkan, sharaw sa wa mung shana myi mu ai da. Gwi gaw dai majaw ya du hkra nam ga hkan rai yang sharaw sa wa mung mu na wau ai le. Dai hku re ai da. Shinggyim masha ni nau nzen mat na shana myi nmu mat shani sha mu lu mat ai. . Language as given: Jinghpaw