SUN'IY INTELLEKTNING BIZNES BOSHQARUVI VA TA'LIM JARAYONLARIGA TA'SIRI

Mazkur maqolada sun’iy intellekt texnologiyalarining biznes boshqaruvi va ta’lim jarayonlariga ta’siri tahlil qilinadi. Tadqiqotda sun’iy intellektning korxonalarda qaror qabul qilish, ma’lumotlarni tahlil qilish, mijozlar bilan ishlash, strategik rejalashtirish va inson resurslarini boshqarish jarayonlaridagi o‘rni yoritilgan. Shuningdek, oliy ta’lim tizimida sun’iy intellekt vositalaridan foydalanish, shaxsga yo‘naltirilgan ta’lim, virtual yordamchilar, mustaqil o‘rganish va akademik halollik masalalari ko‘rib chiqiladi. UNESCO generativ sun’iy intellektni ta’limda inson markazidagi yondashuv asosida qo‘llash zarurligini ta’kidlaydi, World Economic Forum esa 2025-yilgi hisobotida AI va raqamli texnologiyalar mehnat bozori hamda kelajak ko‘nikmalariga kuchli ta’sir ko‘rsatayotganini qayd etadi. Maqolada sun’iy intellektdan foydalanishda texnologik savodxonlik, etik me’yorlar, ma’lumotlar xavfsizligi va tanqidiy fikrlash muhim omillar sifatida asoslab beriladi.