DAVLAT QARZI VA DAVLAT QARZINING HUQUQIY ASOSLARI

Ushbu maqola zamonaviy iqtisodiyotning ajralmas qismi bo‘lgan davlat qarzi, uning mazmun-mohiyati va huquqiy tartibga solish mexanizmlariga bag‘ishlangan. Tadqiqotda O‘zbekistonning qarz siyosatidagi so‘nggi yillarda yuz bergan o‘zgarishlarni, xususan, yangi tahrirdagi Konstitutsiya va 2022-yilda qabul qilingan “Davlat qarzi to‘g‘risida”gi qonun misolida tahlil qiladi. Maqolada davlat qarzining Yalpi ichki mahsulotga nisbatan belgilangan 60 foizlik yuqori chegarasi hamda qarz mablag‘larining maqsadli ishlatilishini nazorat qiluvchi organlar faoliyati ko‘rsatib o‘tilgan. Shuningdek, tadqiqotda Qozog‘istonning qarz boshqaruvidagi “Milliy jamg‘arma” modeli va kvasidavlat sektori qarzi ustidan nazorat o‘rnatish tajribasi qiyosiy tahlil qilingan. Yakuniy qismda qarz yukini kamaytirish, valyuta xatarlarini boshqarish va kelajak avlodlar uchun iqtisodiy barqarorlikni ta’minlash bo‘yicha xulosa va takliflar ilgari surilgan.