O'ZBEKISTON IQTISODIYOTIDA EKOLOGIK BARQARORLIK VA IQTISODIY O'SISH O'RTASIDAGI MUVOZANATNI O'RGANISH

Ushbu tadqiqot O‘zbekiston iqtisodiyotida yashil transformatsiya jarayonlarini, uning muammolarini va istiqbollarini tahlii qiladi. Markaziy Osiyoda qurg‘oqchilikka moyil bo‘lgan bu mamlakat iqlim o‘zgarishi va resurslar tanqisligi kabi qiyin muammolarga duch kelmoqda. Maqolada O‘zbekistonning uglerod intensivligi, qayta tiklanuvchi energiya manbalarining ulushi va sanoat ishlab chiqarishining ekologik ta’siri kabi ko‘rsatkichlarni tahlil qilish orqali mamlakatning ekologik siyosati bilan iqtisodiy o‘sish o‘rtasidagi muvozanat o‘rganilgan. 2015-2023-yillar oralig‘ida O‘zbekiston Respublikasining Davlat statistika qo‘mitasi, Iqtisodiyot va moliya vazirligi, shuningdek, Jahon banki va Xalqaro energetika agentligi kabi xalqaro tashkilotlarning ma’lumotlaridan foydalanildi.