O'ZBEKISTONDA STARTAP EKOTIZIMINING RIVOJLANISHI: MUAMMOLAR VA RIVOJLANISH ISTIQBOLLARI

Ushbu maqolada O‘zbekistonda startap ekotizimining shakllanishi va rivojlanish jarayonlari tahlil qilingan. Startaplarning mamlakat iqtisodiyotidagi o‘rni, innovatsion tadbirkorlikni rivojlantirishdagi ahamiyati, venchur moliyalashtirish va davlat tomonidan ko‘rsatilayotgan qo‘llab-quvvatlash mexanizmlari o‘rganilgan. Maqolada 2025-yil yakunlari bo‘yicha O‘zbekistondagi startaplar soni, investitsiyalar hajmi, venchur fondlar faoliyati hamda innovatsion loyihalarni moliyalashtirish bo‘yicha statistik ma’lumotlar keltirilgan. Tahlil natijasida startap ekotizimining jadal rivojlanayotganiga qaramay, moliyalashtirishning dastlabki bosqichlarga yuqori darajada jamlanishi, mahalliy investitsiyalar ulushining nisbatan pastligi va innovatsion loyihalarni tijoratlashtirish bilan bog‘liq muammolar mavjudligi ko‘rsatib berilgan. Shuningdek, O‘zbekistonda startap ekotizimini yanada rivojlantirish bo‘yicha amaliy takliflar ishlab chiqilgan.