2016–2026 YILLARDA O'ZBEKISTON AXBOROT SIYOSATI ISLOHOTLARI: TARIXIY TAHLIL

Mazkur maqolada 2016–2026-yillarda O‘zbekistonda amalga oshirilgan axborot siyosati islohotlari tarixiy nuqtai nazardan tahlil qilingan. Tadqiqotning maqsadi ushbu islohotlar jarayonini davrlashtirish va har bir bosqichning natijalarini xolis baholashdan iborat. Muallif rasmiy hujjatlar, institutsional o‘zgarishlar va xalqaro tashkilotlarning tahliliy ko‘rsatkichlari asosida besh bosqichli davrlashtirishni taklif etadi: islohotlarning boshlanishi (2016–2018), institutsional isloh (2019–2020), barqarorlashuv (2021–2023), pasayish va qayta baholash (2024–2025) hamda 2026-yil ko‘rsatkichlari. Tadqiqot natijalariga ko‘ra, 2016-yildan boshlangan axborot siyosati islohotlari dastlabki bosqichlarda sezilarli ijobiy dinamikaga ega bo‘lgan, biroq keyingi yillarda bu dinamika barqaror bo‘lmagan, xalqaro baholovchi tashkilotlar ma’lumotlariga ko‘ra so‘nggi yillarda pasayish kuzatilgan. Maqola natijalari O‘zbekiston axborot siyosati tarixini o‘rganuvchi keyingi tadqiqotlar uchun ahamiyatga ega.