FE'L KATEGORIYALARI

Ushbu maqolada o‘zbek tilidagi fe’l so‘z turkumining grammatik xususiyatlari hamda fe’lga xos grammatik kategoriyalar haqida fikr yuritiladi. Fe’l shaxs va predmetning harakati, holati yoki jarayonini ifodalovchi mustaqil so‘z turkumi sifatida o‘zbek tilining grammatik tizimida muhim o‘rin egallaydi. Fe’l boshqa so‘z turkumlaridan o‘zining grammatik shakllarga boyligi bilan ajralib turadi. Maqolada fe’lning nisbat, bo‘lishli-bo‘lishsizlik, mayl, zamon va shaxs-son kategoriyalari izchil tahlil qilinadi. Har bir kategoriya o‘ziga xos grammatik ma’noga ega bo‘lib, fe’l anglatgan harakatning bajaruvchisi, bajarilish vaqti, voqelikka munosabati hamda harakat ishtirokchilari o‘rtasidagi munosabatni ifodalashga xizmat qiladi. Shuningdek, grammatik kategoriyalarning o‘zaro bog‘liqligi misollar asosida yoritiladi. Maqolaning asosiy maqsadi fe’l kategoriyalarining o‘zbek tilidagi o‘rni va ahamiyatini tushunarli hamda ilmiy asosda ochib berishdan iborat.