AMIR TEMUR VA AHMAD YASSAVIY O'RTASIDAGI RAMZIY BOG'LIQLIK: DINIY MEROS VA SIYOSIY HOKIMIYAT SINTEZI

Ushbu maqolada Amir Temur va Ahmad Yassaviy o‘rtasidagi ramziy bog‘liqlik diniy meros hamda siyosiy hokimiyat sintezi nuqtayi nazaridan tahlil qilinadi. Tadqiqotda Amir Temurning Ahmad Yassaviy ma’naviy merosidan siyosiy legitimlikni mustahkamlash, madaniy o‘zlikni shakllantirish va davlat mafkurasini kuchaytirish yo‘lida qanday foydalangani yoritiladi. Ayniqsa, Xoja Ahmad Yassaviy maqbarasining bunyod etilishi ma’naviy qadriyatlar va imperatorlik qudratining ramziy ifodasi sifatida ko‘rib chiqiladi. Amir Temur tomonidan Turkistonda Yassaviy maqbarasining ulug‘vor tarzda qurdirilgani tarixiy manbalarda alohida ta’kidlanadi.