EKOLOGIK XABARDORLIKDAN EKOLOGIK XATTI-HARAKATGA: ISTE'MOLCHILARNING YASHIL MAHSULOTLARNI SOTIB OLISH NIYATI VA REAL XARID XULQI O'RTASIDAGI TAFOVUT

Ushbu maqolada iste'molchilarning ekologik xabardorligi va real ekologik xatti-harakati o‘rtasidagi tafovut – "attitude-behavior gap" yoki "yashil bo‘shliq" fenomeni – nazariy va empirik jihatdan tadqiq etilgan. Tadqiqot maqsadi iste'molchilarning yashil mahsulotlarni sotib olish niyati va haqiqiy xarid xulqi o‘rtasidagi farqni aniqlash, uning sabablarini tahlil qilish hamda bu tafovutni kamaytirishga qaratilgan strategiyalarni ishlab chiqishdan iborat. Toshkent va Samarqand shaharlarida 520 nafar respondent ishtirokida o‘tkazilgan empirik tadqiqot natijalariga ko‘ra, respondentlarning 68,5%i yashil mahsulotlarni xarid qilish niyatini bildirgan, biroq muntazam xarid qiluvchilar ulushi atigi 14,2%ni tashkil etgan. Tadqiqotda tafovutning asosiy omillari – narx sezgirligi, vaqt cheklovi, odatlar kuchi, mahsulot mavjudligi va ishonch defitsiti – aniqlangan hamda ularni bartaraf etish bo‘yicha amaliy tavsiyalar ishlab chiqilgan.