INGLIZ VA O'ZBEK TILLARIDAGI AN'ANAVIY O'LCHOV BIRLIKLARINING FUNKSIONAL-SEMANTIK TAVSIFI

Ushbu maqolada ingliz va o‘zbek tillaridagi an’anaviy (standartlashmagan) o‘lchov birliklarining funksional-semantik xususiyatlari qiyosiy-tipologik jihatdan tahlil qilinadi. Ingliz tilidagi asosiy an’anaviy o‘lchov birliklari (foot, inch, yard, mile, fathom, furlong, pound, ounce, stone) komponent tahlili va etimologik tahlil usullari orqali ko‘rib chiqiladi; ularning ko‘p ma’noliligi, ko‘chma ma’nolari, idiomatik qo‘llanishi va hosila so‘zlari tahlil qilinadi. O‘zbek tilidagi an’anaviy o‘lchov birliklari (gaz, qarich, misqol, botmon, qadoq, tanob va boshqalar) sematik guruhlarga tasniflanib, ularning somatik, agrar va savdo-iqtisodiy asoslari ochib beriladi. Tadqiqot ikkala tilda ham an’anaviy o‘lchov birliklarining kognitiv universaliya asosida — somatik prinsip bo‘yicha — shakllanganligini, biroq ularning hududiy variativligi va kulturologik qo‘llanishi jihatidan muhim farqlar mavjudligini ko‘rsatadi.