O'ZBEK TILINING LOTIN YOZUVIGA O'TISH JARAYONI: LINGVISTIK, TEXNOLOGIK VA IJTIMOIY-MADANIY TAHLIL

Ushbu maqolada o‘zbek tilining lotin yozuviga o‘tish jarayoni tahlil qilinadi va uning lingvistik, texnologik hamda ijtimoiy-madaniy ta’siri o‘rganiladi. Tadqiqot lotin yozuvining raqamli muhitga moslashuvchanligi, turkiy tillar bilan terminologik uyg‘unlikni kuchaytirishi, chet tillarini o‘rganishdagi qulayliklari va iqtisodiy brendingdagi ahamiyatini yoritadi. Shu bilan birga, grafik nomukammalliklar, avlodlar o‘rtasidagi yozuv tafovuti va ikki yozuvlilik holatining saqlanib qolishi kabi muammolar aniqlanadi. Tadqiqot natijalari alifbo islohotini yanada takomillashtirish zarurligini ko‘rsatadi va amaliy tavsiyalar bilan yakunlanadi.