KK1-2332 - Ma sha galang a lam (Child-eating eagle)

Transcription (La Ring) Moi shawng de ma sha galang ngu ai nga ai da. Dai gaw htawra ya anhte Putao kaw e "htang ga" ngu ai kaw ningmung ninghkyeng ngu ai bum lahkawng nga ai. Dai kaw she ginru ginsa ma ni yu wa.. rai yang gaw shawa hpung kungmawn ngu ai gaw ginru ginsa ma ni hpe woi nna htaw.. shang hka kaw du yang she n-gun ja shingjawng nna she, ndai kaw lungpu lung ngu ya du hkra nga ai. Dai kaw n-gun ja shingjawng.. rai nna lungpu lung dai hpe ginru ginsa ma ni hte shing jawng ai she shi mara tawn da rai na "E.. ya gaw ginrum maden hku na nlung chyu hpyi lu na" nga nna gin htang pru... rai yang dai kaw ma sha galang ngu ai wa she ndai "pan hka" mare kaw e nga ai masha ni a ma sha.. nna ningmung ninghkyeng bum de hkrai wa wa rai hku rai nga. Dai majaw she dai e shawa hpung gummawn ngu gaw shawut kang seng ngu ai ndan ma lu rai yang gaw, dai gaw kanang kaw na rai kun ngu tam hkrai tam raitim mung nmu yu rai jang gaw ndai ningmung ninghkyeng bum e sinpraw maga e dung ai bum "jahkawng bum" nga ai kaw na yu yang gaw dai kaw htaw ra ningmung ninghkyen bum kaw she "hkala ru" ngu ai nai hkala ru sumwum gap nna dung nga ai hpe mu rai yang gaw dai kaw na she e dai hpe mu lu na matu hkala ru dai hpe le.. mali hka shang hka mazup kaw tu ai hkala ru dai hpe sa nna gawt kau... htu kau di yang gaw dai hkala ru si mat rai jang she dai ma sha galang hpe mu ai hku rai nga. Rai yang gaw dai jahkawng bum kaw na shi ndan hte gap dat di yang she e..le... pyen nna htawng yang ngu ai de pa hkrat mat ai.. da. Dan rai dai ya ma sha galang gap ai jahkawng bum ngu ai kaw ndai ndan shachyen ai shara ni masat masa ni mung nga ai. Bai nna ndai e hkala ru dum lawng ngu ai mali hka hte shang hka mazup kaw ya du hkra e.. hkang masat ni nga nga ai hku re. Dai hku nna moi na ni hkai ai dai hpe kadun ai hku na sha hkai ai re. Le ra pawt de ma ngam ai ndung de ma ngam ai tsun ga nga yang gaw labau gaw. . Language as given: Jinghpaw