KK2-0273 - Nawnghkying de Myen shang wa ai lam (History of Burmese settlement in Nawnghkying)

Transcription (La Ring) Nawng Hkying mare kaw hkying mi jahku tsa kru shi manga ning hta Myen atsuya hku na dap wa jung nna ndai makau grupyin mare ni hpe yawng hpe yawng Nawng Hkying mare de gahkyin la ai. Gahkyin la na shanhte Myen dap wa dung rai na wa nga ai kaw na ndai hpyen dap wa jahkring hkring galai ai. Ndai Myen hpyen la ni Nawng Hkying kaw wa nga ai shaloi Nawng Hkying na num la nna ndai Nawng Hkying kaw nga nan mat ai ni lawm ai. E shawng na daw hta gaw ndai lawu ga na masha shawng nnan shang wa ai gaw dai hpyen la ni rai sai nang kaw dinghku wa de na. Dai kaw na hpang daw de gaw anhte mare masha ni makau grupyin hpun grai nga ai re majaw gaw hpun ret ai i. Hpun ret ai shaloi anhte Wunpawng amyu gaw nchye ret ai dai majaw wo lawu ga de na Myen ni hpe shaga ai. Myen ni hte ret ai Myen ni dai hpun ret ai kaw na nang kaw num la na wa nga nan taw ai ni lawm ai. Dai kaw na hpang daw de gaw ndai makau grupyin gaw arang madu ni, Gung mani ni shang wa ai lam nga sai. Dai shaloi gaw anhte ndai langu sun ni mahta na tsun ga nga jang langu sun i ndai langu sun kaw bungli galaw ai ni gaw anhte ndai jauman masha ni gaw kadai nsa chyang sha ai i. Anhte jauman masha ni nsa galaw jang she shanhte gaw lawu ga na Myen ni hpe shaga ai. Dai kaw lung wa ai gaw Rakhine grau law mat ai. Ndai langu sun kaw Rakhine grai law ya gaw anhte mare masha hte kanoi maren ngu na daram law wa ai. Lawu ga na Myen ni Rakhine ni i dai hku na lawu ga na jasam Myen ni Rakhine ni law jat wa ai lam hpe mu ai. . Language as given: Jinghpaw