SAMARQAND VILOYATIDA ELEKTRON SAVDO EKOTIZIMINI SHAKLLANTIRISHNING TASHKILIY-IQTISODIY ASOSLARI

Maqolada Samarqand viloyatida elektron savdo ekotizimini shakllantirishning tashkiliy-iqtisodiy asoslari tadqiq etilgan. Elektron savdo ekotizimi ishlab chiqaruvchi, sotuvchi, raqamli savdo maydonchasi, bank va to‘lov tashkiloti, saqlash va yetkazib berish xizmati, axborot texnologiyalari korxonasi, iste’molchi hamda davlat boshqaruvi subyektlari o‘rtasidagi o‘zaro bog‘langan iqtisodiy munosabatlar tizimi sifatida talqin qilingan. 2025-yil 1-aprel holatidagi Samarqand viloyati korxona va tashkilotlarining iqtisodiy faoliyat turlari bo‘yicha tarkibi asosida ekotizimni shakllantirish uchun mavjud tadbirkorlik bazasi baholangan. Elektron savdo ekotizimining asosiy muammolari alohida infratuzilma elementlarining mavjud emasligidan ko‘ra ularning o‘zaro sust bog‘langanligi bilan izohlangan. Ishtirokchilar o‘rtasida ma’lumot almashinuvi, yagona buyurtma identifikatsiyasi, to‘lov va yetkazib berish jarayonlarini muvofiqlashtirish hamda hududiy monitoring ko‘rsatkichlarini shakllantirish bo‘yicha takliflar ishlab chiqilgan.