BOSHLANG'ICH SINFLARDA INTEGRATIV TA'LIM TEXNOLOGIYALARINI QO'LLASH

Mazkur maqolada boshlang‘ich sinf ta’lim jarayonida integrativ ta’lim texnologiyalarini qo‘llashning nazariy-metodik asoslari, pedagogik imkoniyatlari hamda o‘quvchilarning bilish faolligi, mustaqil fikrlashi va kompetensiyalarini rivojlantirishdagi ahamiyati yoritiladi. Tadqiqotda fanlararo integratsiya, kompetensiyaviy yondashuv va faol o‘qitish texnologiyalarining uyg‘unlashuvi boshlang‘ich ta’lim sifatini oshirishning muhim omili ekanligi asoslab beriladi. Metodologik jihatdan tahlil, taqqoslash, pedagogik kuzatuv, diagnostika hamda tajriba-sinov natijalari umumlashtirilib, integrativ yondashuv asosida tashkil etilgan darslar samaradorligi miqdoriy va sifat ko‘rsatkichlar orqali ochib beriladi. Olingan natijalar integrativ texnologiyalar o‘quvchilarning fanlararo bog‘lanishlarni anglash darajasi, o‘qishga bo‘lgan motivatsiyasi va o‘quv natijalarini sezilarli oshirishini ko‘rsatdi.