TURISTIK BREND YARATISH VA HUDUD IMIJINI SHAKLLANTIRISH: NAZARIY-ILMIY TAHLIL VA AMALIY MISOLLAR

Bugungi kunda turizm iqtisodiyotning muhim tarmoqlaridan biri sifatida davlatlarning xalqaro maydondagi nufuzini oshirish, hududlarning investitsion jozibadorligini kuchaytirish va yangi iqtisodiy imkoniyatlarni yaratishda muhim o‘rin tutmoqda. Zamonaviy turizm rivojida hududiy brendlashuv va hudud imijini shakllantirish strategik ahamiyat kasb etib, turistlarning sayohat yo‘nalishini tanlashida asosiy omillardan biriga aylanmoqda. Shu sababli hududning o‘ziga xos tarixiy, madaniy va tabiiy resurslarini samarali targ‘ib qilish orqali kuchli turizm brendini yaratish dolzarb masalalardan biri hisoblanadi.