O'ZBEKISTON RESPUBLIKASIDA BYUDJET NAZORATINI TASHKIL ETISHNING AHAMIYATI

Mazkur maqolada O‘zbekiston Respublikasida davlat byudjeti tizimi va davlat moliyaviy nazoratining nazariy-uslubiy asoslari chuqur tahlil qilingan. Davlat moliyaviy nazoratining iqtisodiy mazmuni, uning maqsad va vazifalari, qonunchilik asoslari hamda byudjet kodeksida belgilangan prinsiplar ilmiy jihatdan yoritilgan. Tadqiqotda davlat moliyaviy nazoratining asosiy parametrlari - qonuniylik, maqsadga muvofiqlik va samaradorlik mezonlari tizimli ravishda tahlil qilinib, ularning byudjet jarayonlaridagi o‘rni va ahamiyati asoslab berilgan. Shuningdek, davlat moliyaviy nazoratini tashkil etishda javobgarlik markazlari, ularning o‘zaro bog‘liqligi va ko‘p darajali tashkiliy tuzilmaning o‘ziga xos xususiyatlari ochib berilgan. Maqolada davlat moliyaviy nazorati tizimining asosiy elementlari, axborot-kommunikatsiya infratuzilmasini rivojlantirishning zarurligi hamda nazorat samaradorligini oshirishga qaratilgan ilmiy-amaliy xulosalar keltirilgan. Tadqiqot natijalari davlat moliyasini boshqarish va byudjet nazorati tizimini takomillashtirishda amaliy ahamiyat kasb etadi.