TASVIRIY SAN'ATNI O'QITISHDA INTERAKTIV METODLAR ASOSIDA TALABALARNING BADIIY-ESTETIK KOMPETENSIYASINI RIVOJLANTIRISH METODIKASI

Mazkur maqolada tasviriy san’atni o‘qitish jarayonida interaktiv metodlardan foydalanish asosida talabalarning badiiy-estetik kompetensiyasini rivojlantirishning pedagogik va metodik imkoniyatlari yoritilgan. Zamonaviy oliy ta’limda tasviriy san’at mashg‘ulotlarini faqat nazariy bilimlarni o‘zlashtirish va amaliy tasviriy faoliyat bilan cheklab qo‘ymasdan, talabalarning badiiy tafakkuri, estetik didi, ijodiy yondashuvi, san’at asarlarini tahlil qilish va mustaqil estetik xulosa chiqarish qobiliyatlarini rivojlantirish muhim vazifalardan biri hisoblanadi. Tadqiqotda interaktiv metodlarning mohiyati, ularni tasviriy san’at mashg‘ulotlariga tatbiq etishning pedagogik shart-sharoitlari hamda badiiy-estetik kompetensiyaning tarkibiy komponentlari tahlil qilingan. Shuningdek, “idrok etish – tahlil qilish – muhokama qilish – ijodiy faoliyat – refleksiya – baholash” ketma-ketligiga asoslangan metodik model taklif etilgan. Interaktiv metodlardan foydalanish talabalarning darsdagi faolligini oshirish, badiiy asarlarni mustaqil tahlil qilish, ijodiy fikrlash va estetik qarashlarini rivojlantirishga xizmat qilishi asoslangan.