O'ZBEK VA INGLIZ TILLARIDA MEHMONDO'STLIK KONSEPTIGA OID LEKSIK BIRLIKLARNING SEMANTIK XUSUSIYATLARI

Annotatsiya: Ushbu maqolada o‘zbek va ingliz tillarida mehmondo‘stlik konseptini ifodalovchi leksik birliklarning semantik xususiyatlari qiyosiy tahlil qilinadi. Tadqiqotning asosiy maqsadi mazkur konseptning har ikki tildagi leksik tarkibini aniqlash, birliklarning umumiy va farqli semantik belgilarini tavsiflash hamda ularning madaniy mazmunini yoritishdan iborat. Tahlil uchun mehmon, mezbon, mehmondo‘stlik, mehmonnavoz, kutib olmoq, izzat-ikrom ko‘rsatmoq hamda guest, host, hospitality, hospitable, welcome, accommodate kabi birliklar tanlandi. Izohli lug‘atlardagi ta’riflar, komponent tahlili va qiyosiy-semantik yondashuv asosida ushbu birliklarning denotativ ma’nosi, konnotativ bo‘yoqdorligi, valentligi va qo‘llanish doiralari ko‘rib chiqildi.