TRANSPORT VA LOGISTIKA KOMPANIYALARI UCHUN YUKLARNI KUZATISH VA BOSHQARISH TIZIMINI TAKOMILLASHTIRISH

Mazkur maqolada transport va logistika kompaniyalarida yuklarni real vaqt rejimida kuzatish, yo‘nalishlarni boshqarish, yetkazib berish jarayonlarini nazorat qilish hamda operatsion samaradorlikni oshirishga qaratilgan raqamli tizimni takomillashtirish masalalari tahlil qilinadi. Tadqiqotda GPS, IoT sensorlari, RFID, elektron hujjat aylanishi, transport boshqaruv tizimi — TMS, ombor boshqaruv tizimi — WMS, mobil ilova va analitik boshqaruv paneli kabi texnologiyalarning logistika jarayonlariga ta’siri o‘rganildi. O‘zbekiston transport-logistika tizimida yuk tashish hajmining ortib borayotgani, 2030-yilgacha transport-logistika tizimini rivojlantirish konsepsiyasi qabul qilingani va transport sohasida raqamlashtirish jarayonlari jadallashayotgani ushbu mavzuning dolzarbligini kuchaytiradi [1], [2]. Tadqiqot natijalari shuni ko‘rsatadiki, yuklarni kuzatish va boshqarish tizimini takomillashtirish transport xarajatlarini kamaytirish, yetkazib berish muddatini qisqartirish, yuk xavfsizligini oshirish, inson omili bilan bog‘liq xatoliklarni kamaytirish va mijozlarga xizmat ko‘rsatish sifatini yaxshilash imkonini beradi.