ILM VA UNING ISLOM HAMDA JAMIYAT RIVOJIDAGI O'RNI

Ushbu maqolada Islom dinida ilmning tutgan o’rni va uning jamiyat taraqqiyotidagi ahamiyati tahlil qilinadi. Tadqiqot Qur’on oyatlari, hadislar hamda zamonaviy ilmiy manbalar asosida olib borilgan. Maqolada ilm tushunchasining nafaqat diniy, balki dunyoviy fanlarni ham qamrab olishi asoslab beriladi. Shuningdek, Islom sivilizatsiyasining oltin davridagi ilmiy yutuqlar va ularning jahon taraqqiyotiga qo’shgan hissasi yoritiladi. Zamonaviy globallashuv sharoitida ilmning ahamiyati, uning shaxs kamoloti va jamiyat rivojiga ta’siri ham tahlil qilinadi. Tadqiqot natijalari shuni ko’rsatadiki, ilm insonning ma’naviy va intellektual rivojlanishida, shuningdek , jamiyatning barqaror taraqqiyotida asosiy omil hisoblanadi.