SO'Z BILAN KURASHGAN SAHOBA: ABDULLOH IBN RAVOHA HAYOTI VA IJODI

Ushbu maqolada ilk islom davrining mashhur shoir sahobalaridan biri Abdulloh ibn Ravohaning hayoti, adabiy faoliyati hamda islom she’riyatidagi o‘rni yoritilgan. Muallif uning hayoti, islomni qabul qilishi, Rasululloh sollallohu alayhi vasallam huzuridagi mavqei va shoir sifatidagi faoliyatini tarixiy manbalar asosida tahlil qiladi. Shuningdek, Abdulloh ibn Ravohaning she’riy uslubi, boshqa shoir sahobalar ijodi bilan o‘xshash va farqli jihatlari hamda she’rlarining badiiy xususiyatlari ko‘rib chiqiladi. Tadqiqot natijasida uning she’riy merosi ilk islom davri adabiyoti rivojiga munosib hissa qo‘shgani, islomiy va ma’naviyaxloqiy qadriyatlarning badiiy ifodasida muhim o‘rin tutgani yoritib beriladi.