БАЧАДОН БЎЙНИ ХАВФЛИ САРАТОНИДА ЖАРРОҲЛИК ДАВОЛАШ УСУЛЛАРИНИНГ АҲАМИЯТИ
收藏资源简介：
Бачадон бўйни хавфли саратони гинекологик онкологияда энг долзарб муаммолардан бири бўлиб, касалликни даволашда жарроҳлик усуллари асосий ўрин тутади. Касалликнинг босқичига қараб радикал ёки орган сақловчи операцияларни қўллаш беморнинг ҳаёт сифати ва яшаш давомийлигига бевосита таъсир кўрсатади. Илмий манбалар таҳлили асосида I–III босқич бачадон бўйни хавфли саратонида қўлланиладиган жарроҳлик усуллари ўрганилди. Асосий эътибор радикал гистерэктомия, лимфодиссекция, орган сақловчи операциялар ва комбинирланган даволаш усулларига қаратилди. Маълумотларга кўра, касалликнинг эрта босқичларида радикал гистерэктомия ва минтақавий лимфа тугунларини олиб ташлаш юқори клиник самара бериши аниқланди. Ёш беморларда орган сақловчи жарроҳлик усулларини қўллаш репродуктив функцияни сақлаб қолиш имконини беради. Кейинги босқичларда жарроҳлик усулларини нур ва кимё терапия билан комбинациялаш даволаш натижаларини яхшилайди.
