JAHON VA O'ZBEK ADABIYOTI ASARLARINI FANLARARO INTEGRATSIYA ASOSIDA O'QITISH METODIKASINI TAKOMILLASHTIRISH

Mazkur maqolada jahon va o‘zbek adabiyoti asarlarini fanlararo integratsiya asosida o‘qitishning nazariy-metodik asoslari yoritilgan. Adabiyot ta’limini tarix, ona tili, geografiya, tasviriy san’at, musiqa, falsafa hamda axborot texnologiyalari bilan integratsiyalashning didaktik imkoniyatlari tahlil qilingan. Badiiy asarni turli fanlarga oid bilimlar bilan bog‘liq holda o‘rganish o‘quvchilarning asar mazmunini yaxlit idrok etishi, tarixiy-madaniy kontekstni anglash, obraz va voqealarni ko‘p tomonlama tahlil qilish, mustaqil va ijodiy fikrlash kompetensiyalarini rivojlantirishiga xizmat qilishi asoslangan. Fanlararo integratsiyani amalga oshirishning motivatsion-kontekstual, integrativ-axborot, badiiy-analitik, qiyosiy-integrativ, ijodiy-amaliy va refleksiv-baholash bosqichlaridan iborat metodik modeli taklif etilgan. Shuningdek, integrativ topshiriqlar va ularning samaradorligini baholash mezonlari ishlab chiqilgan.