SENTINEL-2 TASVIRLARINI GOOGLE EARTH ENGINE MUHITIDA AVTOMATLASHTIRILGAN QAYTA ISHLASH HAMDA NDVI VA NDWI INDEKSLARI YORDAMIDA QURG'OQCHILIKNI BAHOLASH

Mazkur maqolada Sentinel-2 sun’iy yo‘ldosh tasvirlarini Google Earth Engine (GEE) bulutli geohisoblash muhitida avtomatlashtirilgan oldindan qayta ishlash, bulut va soya shovqinlarini kamaytirish, median kompozit hosil qilish hamda NDVI va NDWI spektral indekslari asosida qurg‘oqchilik holatini baholash metodikasi ishlab chiqildi. Tadqiqotda Sentinel-2 Surface Reflectance HARMONIZED kolleksiyasi, s2cloudless bulut ehtimolligi mahsuloti, maskalash, indeks hisoblash va threshold asosidagi sinflashtirish bosqichlari birlashtirilgan avtomatlashtirilgan algoritm taklif etiladi. Metodik sinov natijalari NDVI qiymatining pasayishi va NDWI ko‘rsatkichining kamayishi vegetatsiya namligi hamda suv yuzalari qisqarishini aks ettirishini ko‘rsatadi. Taklif etilgan yondashuv qishloq xo‘jaligi hududlarida qurg‘oqchilik xavfini tezkor monitoring qilish, xaritalash va qaror qabul qilish jarayonlarini qo‘llab-quvvatlashda qo‘llanilishi mumkin.