KK1-2504 - Anya dik ai baw tau (Fool Baw Tau)

Transcription (La Ring) Anya dik ai baw tau a lam. Ndai baw tau gaw hpu nau sam rai nga ai. Hpu nau sam ndai gaw moi gaw anhte Wunpawng sha ni zawn rai na mayu ga chye wa ai ni rai ma ai. Rai yang e ndai baw tau gaw loimi manya ai majaw madu jan hpe galoi raitim shi hte rau nga mayu ai majaw, rau nga mayu ai majaw madu jan gaw "Mayu ga wa ga" ngu ai shaloi gaw "Ngai e hkum dingsi sa yaw, ngai wo hka kaw jahkrat bang kau sai" ngu da. Jahkrat bang kau sai nga jang gaw baw tau gaw hka kaw bai tam da. "Hkum tam sha ngai hta la kau sai" bai ngu da madu jan gaw dan ngu. Dan ngu jang gaw mayu ga wa rai yang gaw mayu ga kaw she ndai mayu ni u sat jaw ai..da. U sat sha nga ai kaw she sha ntsawm ai da. Sha ntsawm ai gaw madu jan ahtawk dat jang she madu jan e she nta kaw na shingran mu ai majaw "Ah nan yan gaw maka nkap ai" ngu da. "Nan yan gaw maka nkap ai, mayu ga hkum wa masa" ngu na mayu ni dan ngu tsun ai da. Dan ngu tsun ai majaw ndai hpu nau sam ni dai shani kaw na mayu ga nwa ai da. Ngut sai. . Language as given: Jinghpaw