SUN'IY INTELLEKT VA AVTOMATLASHTIRISHNING MEHNAT HUQUQIGA TA'SIRI

Mazkur ilmiy maqolada sun’iy intellekt (SI) va avtomatlashtirish texnologiyalarining jadal rivojlanishi sharoitida mehnat huquqining mazmuni va ahamiyati tubdan o‘zgarib borayotgani ilmiy-huquqiy jihatdan tahlil qilinadi. Tadqiqot davomida zamonaviy texnologiyalar ta’sirida mehnat munosabatlarining transformatsiyasi, an’anaviy bandlik shakllarining qisqarishi va yangi mehnat modellari paydo bo‘lishi masalalari yoritilgan. Shuningdek, algoritmik boshqaruv, masofaviy mehnat va platformaviy bandlik sharoitida xodimlarning huquqiy holati, ularning mehnat huquqlari va ijtimoiy kafolatlarini ta’minlash masalalariga alohida e’tibor qaratilgan. Maqolada sun’iy intellektdan foydalanish natijasida yuzaga kelishi mumkin bo‘lgan huquqiy xavflar va ularni bartaraf etish yo‘llari asoslab berilgan hamda mehnat qonunchiligini takomillashtirish bo‘yicha ilmiy taklif va xulosalar ilgari surilgan.