"O'ZBEKISTONDA BARQAROR TURIZMNI RIVOJLANTIRISHDA RAQAMLI TEXNOLOGIYALARNING ROLI"
收藏资源简介：
Mazkur maqolada O‘zbekistonda barqaror turizmni rivojlantirish jarayonida raqamli texnologiyalardan foydalanishning nazariy va amaliy jihatlari tadqiq etilgan. Tadqiqotda raqamli turizm platformalari, sun’iy intellekt, Big Data, Internet of Things, mobil ilovalar, elektron to‘lov tizimlari, virtual va kengaytirilgan reallik texnologiyalarining turistik xizmatlar sifati, resurslardan oqilona foydalanish, turistlar oqimini boshqarish, madaniy meros obyektlarini muhofaza qilish hamda mahalliy aholining turizm faoliyatidagi ishtirokini oshirishdagi imkoniyatlari tahlil qilindi. O‘zbekiston turizm sektorining so‘nggi yillardagi jadal o‘sishi sharoitida raqamli texnologiyalarni barqarorlik tamoyillari bilan uyg‘unlashtirish dolzarb masala sifatida asoslandi. Tadqiqot natijalari raqamlashtirish turizm korxonalarining operatsion samaradorligini oshirish bilan birga, ekologik yuklamani kamaytirish, turistik destinatsiyalarni boshqarish va ma’lumotlarga asoslangan qarorlar qabul qilish imkoniyatlarini kengaytirishini ko‘rsatadi. Shuningdek, O‘zbekistonda raqamli turizmni rivojlantirish uchun infratuzilma, raqamli kompetensiyalar, kiberxavfsizlik, ma’lumotlarni himoya qilish va hududlar o‘rtasidagi raqamli tafovutlarni kamaytirishga qaratilgan kompleks mexanizmlar taklif etilgan.
