BOSHLANG'ICH DASTURCHILARGA JAVA O'RGATISH: QIYINCHILIKLAR VA ULARNI YENGISH YO'LLARI

Annotatsiya: Ushbu maqolada boshlang'ich dasturchilarga Java dasturlash tilini o'rgatish jarayonida yuzaga keladigan asosiy qiyinchiliklar tahlil qilingan. Java tilining ob'ektga yo'naltirilgan tabiati, sintaktik qat'iyligi va murakkab tushunchalari (rekursiya, ko'rsatkichlar, xatoliklarni boshqarish va boshqalar) yangi boshlagan talabalar uchun jiddiy to'siq bo'lishi mumkinligi ko'rsatilgan. Tadqiqot jarayonida ilmiy adabiyotlar tahlili, so'rovnoma va o'quv jarayonini kuzatish metodlaridan foydalanilgan. Natijalar shuni ko'rsatdiki, an'anaviy ma'ruza asosidagi o'qitish usuliga nisbatan faol va loyihaga asoslangan o'qitish usullari talabalarning kod tushunish sur'atini va mustaqil muammo yechish qobiliyatini sezilarli darajada oshiradi. Maqola so'ngida Java o'qitish samaradorligini oshirish bo'yicha amaliy tavsiyalar taqdim etilgan.