O'ZBEKISTONDA ISLOMIY SUG'URTA (TAKAFUL) MODELINI JORIY ETISHNING HUQUQIY ASOSLARI VA RIVOJLANISH ISTIQBOLLARI

Ushbu tadqiqot islom huquqi normalariga asoslangan muqobil sug‘urta modeli — takaful tizimini O‘zbekiston iqtisodiyotiga tatbiq etishning konseptual, iqtisodiy va normativ-huquqiy jihatlarini tahlil qilishga bag‘ishlangan. An’anaviy tijorat sug‘urtasining shariat tamoyillariga zid bo‘lgan jihatlari, xususan ribo (foiz), g‘arar (noaniqlik) va maysir (qimor) elementlari ochib berilgan. Huquqiy jihatdan esa O‘zbekiston Respublikasining Fuqarolik kodeksi, “Sug‘urta faoliyati to‘g‘risida”gi Qonuni (O‘RQ-730) hamda 2026-yil 27-martda qabul qilingan “Oʻzbekiston Respublikasining ayrim qonun hujjatlariga Oʻzbekistonda islomiy bank faoliyatini joriy etishga qaratilgan qoʻshimcha va oʻzgartirishlar kiritish toʻgʻrisida” Qonuni (O‘RQ-1126) doirasida takaful tizimining joriy huquqiy maqomi tahlil qilingan.