YURAK ARITMIYASI: KLASSIFIKATSIYA, TASHXISOT VA ZAMONAVIY DAVOLASH STRATEGIYALARI

Yurak aritmiyalari — yurak urish ritmi, chastotasi yoki impuls o’tkazuvchanligining buzilishi bilan tavsiflanuvchi keng tarqalgan patologik holatlar guruhi bo’lib, klinik amaliyotda yengil, klinik ahamiyatga ega bo’lmagan ekstrasistoliyadan tortib, hayot uchun xavfli qorincha fibrillyatsiyasigacha bo’lgan keng spektrni qamrab oladi. Yurak-qon tomir kasalliklari tarkibida aritmiyalarning ulushi va ular bilan bog’liq asoratlar (insult, yurak yetishmovchiligi, to’satdan yurak o’limi) yuqori bo’lib qolmoqda. Maqolada aritmiyalarning zamonaviy klassifikatsiyasi, asosiy elektrofiziologik mexanizmlari, tashxisot algoritmi (EKG, Xolter monitoring, elektrofiziologik tekshiruv) hamda dori va nofarmokologik (kateter ablatsiyasi, kardioverter-defibrillyator implantatsiyasi) davolash usullari tahlil qilingan.