MAKTABGACHA YOSHDA PSIXOFIZIOLOGIK RIVOJLANISHNING TAVSIFI

Maktabgacha yoshda psixofiziologik rivojlanish bolaning jismoniy va ruhiy salohiyatining tez sur’atlarda rivojlanishi bilan tavsiflanadi. Ushbu davrda bosh miya tuzilishi murakkablashadi, nerv tizimi faoliyati barqarorlashadi va mayda motorika yaxshilanadi. Nutq faol rivojlanib, lug‘at boyligi kengayadi, tafakkur esa ko‘rgazmali-obrazli shaklga o‘tadi. Bola o‘yin orqali nafaqat dunyoni anglaydi, balki ijtimoiy rollarni o‘rganib, his-tuyg‘ularini boshqarishni o‘rganadi. Shaxsiylik rivojlanib, mustaqillik va o‘zini anglash jarayonlari kuchayadi. Bu davrda to‘g‘ri tarbiya, ijodiy faoliyat va ijtimoiy muloqot bolaning sog‘lom psixofiziologik rivojlanishi uchun asosiy omillardir.