DAVLAT OLIY TA'LIM MUASSASALARIDA MOLIYAVIY NAZORAT TIZIMINI TAKOMILLASHTIRISHDA RISKLARGA ASOSLANGAN YONDASHUV

Mazkur maqolada davlat oliy ta’lim muassasalarida moliyaviy nazorat tizimini takomillashtirish masalalari tadqiq etilgan. Oliy ta’lim muassasalariga moliyaviy mustaqillik berilishi sharoitida mablag‘lardan samarali foydalanish, moliyaviy intizomni ta’minlash va mavjud xavflarni oldindan aniqlash masalalari dolzarb ahamiyat kasb etmoqda. Tadqiqotda an’anaviy tekshiruvga asoslangan nazorat tizimining cheklovlari tahlil qilinib, risklarga asoslangan moliyaviy nazorat modelining afzalliklari yoritilgan. Shuningdek, davlat oliy ta’lim muassasalarida ichki audit faoliyatini takomillashtirish, raqamli monitoring vositalaridan foydalanish va moliyaviy ko‘rsatkichlarni baholash mexanizmlarini rivojlantirish bo‘yicha takliflar ishlab chiqilgan.