KK1-2508 - Du wa Sumhka Zau Ra yan Myen hkawhkam (Sumhka Zau Ra and Burmese king)

Transcription (La Ring) Moi.. ndai Jinghpaw ni a Du magam Sumhka Zau Ra ngu ai wa hte ndai myen Hkaw Hkam wa hkan yen gaw grai hku hkau ai da. Hku hkau ai shaloi gaw ndai Sumhka Zau Ra gaw myen Hkaw Hkam wa hpe shi mayam num hpe Sumhka Ja Nan ngu na jaw sha ai da. Jaw sha ai shaloi gaw ndai Sumhka Ja Nan e sa sa sha ai ni hpe gaw myen Hkaw Hkam wa gaw num sa shabrai jaw dat ai da. Num sa shabrai jaw dat ai shaloi gaw ndai Sumhka Zau Ra wa ma hkra sha kau ai da. Sha kau ai shaloi gaw ndai num sa salang ni myen Hkaw Hkam wa hpe bai sa tsun ai shaloi gaw ndai "Sumhka Zau Ra a kasha nre goi, shi mayam num hpe Sumhka Ja Ra nga na jaw ai she re" ngu shaloi gaw ndai myen Hkaw Hkam wa gaw ndai bai wa sa kau ai da. Sumhka Ja Nan ngu ai jan hpe bai wa sa ai shaloi gaw ndai Sumhka Ja Nan ndai gaw la, la hkying hku na hkying la nna ndai dai kahtawng na masha ni hpe ga saw la nna ndai madu wa nga ai shara kaw du hkra sa gasat na matu sa wa ai da. Sa wa ai shaloi gaw ndai "Kata" law, "Naba" law ngu ndai hku sa wa ai da. Sa wa ai shaloi gaw ndai "Htikyaik" law ngu ndai hkan e gaw shanhte le.. madu wa nga ai kaw gaw nlu du ai majaw dai kaw myit sa jasat la ai da. Dai nkau mi gaw "Wa saga wa saga" ngu shaloi "E mang naw hti chyai ga law" ngu dai majaw "Hti Chyai" ngu ai. Hti Chyai mare ngu ai hpe shanhte myen ni gaw "Htikyaik" mare ngu bai shamying la ai da. Dai kaw na bai wa nna manau bai wa nau. Manau bai wa nau re ai shaloi Naba ngu ai kaw gaw "Wo ra law aw ra e aw ra law" ngu shaloi gaw da "Naba lawm yang kade wa e pyaw na wa e aw ra law" ngu tsun ai da. Tsun nna bai wa ai shaloi ndai Nam Bu hka kaw hka shin ai kaw e a num re hpe chye mat ai majaw shi hpyen ma ni gap sat kau ai Nam Bu kawng e lup ai da. Nam Bu kawng e lup nna Nam Bu Du jan ngu na shamying kau ai da. Dai kaw ngut sai rai nga ai. . Language as given: Jinghpaw