PSIXOLOGIK OMILLARNING TALABA FAOLLIGIGA TA'SIRI

Talaba faolligi — bu akademik natijalar va ruhiy sog`likni belgilovchi eng muhim omillardan biri (Fredricks et al., 2004). Fredricks va boshqalar «talaba faolligi» tushunchasini uch komponent orqali ta’riflagan: xulqiy faollik (o`quv topshiriqlariga qatnashish, darsga kelish, qoidalarga rioya qilish); kognitiv faollik (chuqur o`rganish strategiyalari, o`z-o`zini tartibga solish); emotsional faollik (qiziqish, mansublik hissi, o`qituvchi va tengdoshlarga munosabat). Zamonaviy tadqiqotlar ushbu uch komponentning o`zaro bog`liqligini va ularning psixologik omillar ta’siriga sezgirligini yanada aniqroq ko`rsatib bermoqda (Skinner & Pitzer, 2020). Bundan tashqari, pandemiyadan keyingi davrda raqamli ta’lim formatiga o`tish faollik va psixologik holat munosabatini yangi kontekstda o`rganishni zarur qilib qo`ydi.