ISHEMIK INSULTDA MIYA TO'QIMASIDAGI MORFOLOGIK O'ZGARISHLARNING TOPIK TASHXIS VA ASORATLARNI OLDINI OLISHDAGI AHAMIYATI

Mazkur ilmiy maqolada ishemik insult rivojlanishida bosh miya to‘qimasida yuzaga keladigan morfologik o‘zgarishlarning topik tashxis qo‘yish va asoratlarni oldini olishdagi ahamiyati tahlil qilindi[1,2,3]. Tadqiqot davomida miya to‘qimasida yuzaga keladigan gipoksik-ishemik o‘zgarishlar, neyronlarning degeneratsiyasi, reaktiv glioz va mikrosirkulyatsiya buzilishlari o‘rganildi. Shuningdek, ushbu morfologik jarayonlarning klinik ko‘rinishlar bilan bog‘liqligi hamda insultning kechishi va asoratlari rivojlanishidagi roli baholandi. Olingan natijalar shuni ko‘rsatdiki[4,5,6,7], miya to‘qimasidagi morfologik o‘zgarishlarni chuqur o‘rganish ishemik insultning topik tashxisini aniqlashtirish va profilaktik choralarni samarali tashkil etishda muhim ahamiyatga ega.