ROMAN TARJIMASIDA BADIIY MAHORAT MASALASI

Ushbu maqolada roman tarjimasida badiiy mahorat masalasi To‘lepbergen Qaipbergenov trilogiyasi misolida tahlil qilinadi. Tadqiqotda badiiy tarjimaning nazariy asoslari, xususan, mazmuniy va uslubiy ekvivalentlik, adekvatlik, milliy koloritni saqlash, obrazlilik va emotsional-ekspressiv ta’sir masalalari ko‘rib chiqiladi. Shuningdek, trilogiyada aks etgan tarixiylik, etnografik unsurlar, xalqona iboralar va individual muallif uslubining tarjimada qay darajada ifodalanishi ilmiy jihatdan baholanadi. Maqolada tarjimonning ijodiy mas’uliyati, muallif va tarjimon o‘rtasidagi estetik uyg‘unlik hamda roman tarjimasida lingvistik va madaniy omillarning o‘zaro aloqasi tahlil etiladi. Tadqiqot natijalari badiiy tarjima nazariyasi va amaliyoti uchun muhim xulosalar chiqarishga xizmat qiladi.