YERDAN FOYDALANISH VA MUHOFAZA QILISH SOHASIDA DAVLAT BOSHQARUVINING NAZARIY-HUQUQIY ASOSLARI: O'ZBEKISTON QONUNCHILIGI VA XALQARO ME'YORLAR

Ushbu tezis O‘zbekiston Respublikasida yerdan foydalanish va muhofaza qilish sohasidagi davlat boshqaruvining nazariy-huquqiy asoslarini, shuningdek yer qonunchiligining rivojlanish tendensiyalarini ilmiy tahlil etadi. Tadqiqotda davlat boshqaruvining huquqiy tabiati fuqarolik, ma’muriy va ekologiya huquqining uch vektori birlashuvida ko‘rib chiqiladi. 1991–2026-yillardagi qonunchilik islohotlari evolyutsiyasi, professor A.N. Nigmatov, G.Sh. Uzoqova va xorijiy olimlar O.I. Krassov, S.A. Bogolyubovlarning doktrinali qarashlari qiyosiy tahlil qilinadi. 2023-yilgi yangilangan Konstitutsiya va 2021–2025-yillarda qabul qilingan asosiy normativ hujjatlar (PF-6243 Farmoni, O‘RQ-728, O‘RQ-1061 Qonunlari) kontekstida yer boshqaruvining uchta ustuvor tendensiyasi — demonopolizatsiya, raqamlashtirish va urbanistik ekologiya — ilmiy asoslab tahlil etiladi.