BO'LAJAK O'QITUVCHILARNING IJODIY QOBILIYATLARINI RIVOJLANTIRISH ISTIQBOLLARI

O‘zbekiston Respublikasida ta’lim sohasini isloh qilishning chuqur jarayonlari kechmoqda. "Ta’lim to’g'risida"gi Qonun, "Yangi O‘zbekiston taraqqiyot strategiyasi 2022—2026" hamda "Oliy ta’limni 2030-yilgacha rivojlantirish kontseptsiyasi" pedagogik ta’limning yangi paradigmasini shakllantirish uchun strategik asos yaratdi. Mazkur me'yoriy-huquqiy hujjatlarning tahlili shuni ko’rsatadiki, davlat pedagogik ta’limni isloh qilishda bir necha ustuvor yo’nalishlarni belgilagan: kadrlar tayyorlash sifatini oshirish; xalqaro standartlarga muvofiq ta’lim dasturlarini ishlab chiqish; zamonaviy pedagog kompetensiyalari tizimini shakllantirish; tadqiqotchilik yo’nalishini kuchaytirish; raqamlashtirish jarayonlarini tezlashtirish. Bu yo’nalishlarning barchasi bo’lajak o‘qituvchilarning ijodiy salohiyatini rivojlantirish bilan chambarchas bog'liq.