MAKTABGACHA YOSHDAGI BOLALARDA AQLIY VA NUTQIY RIVOJLANISHNING ORQADA QOLISHI: TASHXIS VA DAVOLASH TAKTIKASI

Aqliy va nutqiy rivojlanish kechikishi (ANRK) bolalar populyatsiyasida 1–10% chastota bilan uchraydigan dolzarb klinik muammo bo'lib, uning erta aniqlanishi va kompleks reabilitatsiyasi bolaning keyingi ijtimoiy moslashuvini belgilab beradi (Zavadenko N.N., 2021; Raghavan R., 2018). Maktabgacha yoshdagi bolalarda neyral plastiklik eng yuqori darajada bo'lib, bu davrda o'tkazilgan erta aralashuv reabilitatsiya samaradorligini sezilarli oshiradi. Andijon viloyatida ushbu patologiyaning kompleks instrumental-neyropsixologik diagnostikasi va transkranial magnit stimulyatsiya (TMS) yordamida reabilitatsiyasi bo'yicha yetarli ilmiy tadqiqotlar o'tkazilmagan, bu ushbu ishning dolzarbligini belgilaydi.