TRANSFORMATSION LIDERLIKNING KADRLARNI BOSHQARISH BO'LIMLARIDA XODIMLARNING ISHGA JALB ETILGANLIGINI OSHIRISHDAGI ROLI

Maqolada transformatsion liderlikning xodimlarning ishga jalb etilganligiga ta'siri bo'yicha xalqaro empirik dalillar tizimlashtirilib, ularning kadrlarni boshqarish (HRM) bo'limlari uchun ahamiyati baholangan. Integrativ sharh metodi asosida meta-tahlil, kesma, ko'p darajali va kundalik (diary) dizayndagi sakkizta tadqiqot hamda Gallup hisoboti tahlil qilindi. Transformatsion liderlik va jalb etilganlik o'rtasida barqaror bog'liqlik aniqlandi: meta-tahlilda tuzatilgan korrelyatsiya ρ = 0,47 ni, alohida tadqiqotlarda r = 0,37–0,42 ni tashkil etadi. Ta'sir ish mazmundorligi, optimizm va ish resurslari orqali uzatiladi, kuch-g'ayrat esa liderlikka eng sezgir o'lcham hisoblanadi. Natijalar asosida HRM bo'limlari uchun to'rtta ilmiy taklif va amaliy tavsiyalar ishlab chiqildi.