Jismoniy tarbiya va sport fanlari bo'yicha global ta'lim dasturlari tahlili: top-300 QS/THE universitetlari tajribasi va O'zbekiston istiqbollari

Mazkur maqolada jahon sport ta’limi tizimining raqamlashtirish jarayonlari sharoitida sport fanlari bo‘yicha xalqaro ta’lim dasturlarini loyihalash tajribasi tahlil qilinadi. Tadqiqot doirasida Loughborough, Queensland va Toronto universitetlari o‘quv dasturlari qiyosiy o‘rganilib, sport nazariyasi hamda sport metrologiyasini o‘qitishdagi zamonaviy tendensiyalar aniqlangan. Kontent va bibliometrik tahlil natijalariga ko‘ra, an’anaviy sport metrologiyasidan sun’iy intellekt va katta ma’lumotlar asosidagi “sport faoliyati tahlili” yo‘nalishiga o‘tish kuzatilmoqda. Shuningdek, O‘zbekiston sport ta’limi tizimida raqamlashtirish va hududiy ixtisoslashuv orqali xalqaro standartlarni joriy etish imkoniyatlari asoslab berilgan. Xulosa sifatida milliy dasturlarda IT-kompetensiyalarni rivojlantirish va innovatsion modullarni joriy etish zarurligi ta’kidlangan.