POLIETILENGLIKOL (PEG) BILAN MODIFIKATSIYALANGAN XITIN VA XITOZAN HOSILALARI

Xitin va xitozan sellyulozadan keyin tabiatda eng ko‘p uchraydigan tabiiy polimerlar hisoblanadi. Ular biologik parchalanishi (biodegradatsiyalanishi), biokompatibilligi, toksik emasligi, immun tizim tomonidan rad etilmasligi (nonimmunogenligi) hamda kanserogen emasligi kabi muhim biologik va fizik-kimyoviy xususiyatlarga ega. Aynan ushbu xususiyatlari hamda tabiatda keng tarqalganligi sababli xitin va xitozan farmatsevtika, tibbiyot, qog‘oz sanoati, to‘qimachilik korxonalarining oqova suvlarini tozalash, biotexnologiya, kosmetologiya, oziq-ovqat sanoati va qishloq xo‘jaligi kabi ko‘plab sohalarda istiqbolli biomaterial sifatida e'tirof etilmoqda .