TURKIY XALQLARDA DAVOLASH USULLARI

Ushbu maqolada turkiy xalqlarda davolash usullarining tarixiy shakllanishi, rivojlanish bosqichlari va o‘ziga xos xususiyatlari tahlil qilinadi. Tadqiqot davomida qadimgi uyg‘ur yozma manbalari hamda turkiy xalqlar tibbiyotiga oid ilmiy adabiyotlar asosida davolash amaliyotining asosiy yo‘nalishlari yoritilgan. Xususan, o‘simlik, hayvon va mineral vositalarga asoslangan davolash usullari, shuningdek, ruhiy va marosimiy davolash amaliyotlari keng tahlil qilingan. Maqolada turkiy tibbiyotning shakllanishida Xitoy, Hind tibbiy an’analarining ta’siri ham ko‘rib chiqilgan. Bundan tashqari, qadimgi turkiy jamiyatlarda kasalliklarning etiologiyasi va davolash jarayoniga bo‘lgan kompleks yondashuv, ya’ni jismoniy va ruhiy omillar uyg‘unligi asoslab berilgan. Shuningdek, tibbiy terminologiyaning shakllanishi va uning ilmiy ahamiyati yoritilgan. Tadqiqot natijalari shuni ko‘rsatadiki, turkiy xalqlarda davolash usullari uzoq tarixiy taraqqiyot jarayonida shakllanib, bugungi kunda ham ilmiy va amaliy ahamiyatini saqlab qolgan.