ISSIQ-QURUQ IQLIM SHAROITINING ARXITEKTURA SHAKLLANISHIGA TA'SIRI VA LOYIHAVIY TALABLAR

Issiq-quruq iqlim sharoitida binolarni loyihalash zamonaviy arxitektura fanining energiya samaradorligi va ekologik barqarorlik nuqtayi nazaridan eng dolzarb yo‘nalishlaridan biridir. Ushbu maqolada issiq-quruq iqlimning asosiy mikroiqlimiy xususiyatlari tahlil qilinib, mehmonxona binolarini loyihalashda qo‘llaniladigan arxitektura va funksional talablar tizimlashtiriladi. Tadqiqotda passiv sovitish strategiyalari, tabiiy shamollatish, quyosh radiatsiyasini boshqarish va material tanlashning samaradorligi ko‘rib chiqiladi. Natijalar shuni ko‘rsatadiki, iqlimga moslashtirilgan arxitektura yechimlari mehmonxona binolarida energiya sarfini sezilarli kamaytirish va ichki komfort darajasini oshirish imkonini beradi.