MAKTABGACHA TA'LIMDA STEAM VA NANOTEXNOLOGIYALAR ASOSIDA INTEGRATIV TA'LIMNI TASHKIL ETISH TEXNOLOGIYALARI

Maqolada maktabgacha ta'lim tashkilotlarida STEAM yondashuvi va nanotexnologiya elementlarini o'zaro bog'lagan holda integrativ ta'lim jarayonini tashkil etish masalalari yoritilgan. Tadqiqotning yangiligi shundaki, unda an'anaviy nano-tushuncha o'rgatish usullaridan farqli o'laroq, ekrandan mustaqil, jismoniy manipulyatsiyaga asoslangan (tangible) dasturlash vositalari — xususan, robototexnika konstruktorlari misolida bolalarda hisoblash tafakkuri (computational thinking) va muhandislik tasavvurini shakllantirish imkoniyatlari xorijiy empirik tadqiqotlar natijalari asosida tahlil qilingan. Shuningdek, O'zbekiston Respublikasining "Ilk qadam" davlat o'quv dasturi talablari nanotexnologik-integrativ mashg'ulotlar mazmuni bilan qanday uyg'unlashtirilishi mumkinligi ko'rsatib berilgan. Maqolada ilmiy-amaliy ahamiyatga molik jadval va bosqichli metodika taqdim etilgan.