VIGNA RADIATA L. DONLARINI QADOQLASHNING AVTOMATIK BOSHQARUV TIZIMI ASOSLARI

Dukkakli ekinlar orasida mosh (Vigna radiata L.) O‘zbekiston uchun strategik eksport mahsulotiga aylandi. Statistika agentligi ma’lumotlariga ko‘ra, 2022-yilning sakkiz oyida 23 ta davlatga 59,0 ming tonna mosh (45 mln AQSh dollari) eksport qilingan, ularning 47,9 ming tonnasi Xitoyga to‘g‘ri kelgan [1]. 2024-yilning yanvar–noyabr oylarida eksport hajmi 106,6 ming tonnaga, qiymati 85,5 mln dollarga yetdi [2], 2025-yilning birinchi yarmida esa 32,86 ming tonna mosh 30,0 mln dollarga sotildi (o‘rtacha narx 0,91 USD/kg) [3]. AQSh Qishloq xo‘jaligi departamenti hisobotiga ko‘ra, O‘zbekiston Xitoyning mosh importida Myanmadan keyingi ikkinchi yetkazib beruvchi davlatiga aylangan (2023/24 marketing yilida 121,4 ming t) [4].