MINTAQAVIY SANOAT TARMOQLARINI HUDUDLAR KESIMIDA DIVERSIFIKATSIYALASH VA KORXONALAR RAQOBATBARDOSHLIGINI TA'MINLASHNING ILMIY-USLUBIY ASOSLARI.
收藏资源简介：
Bozor iqtisodiyoti sharoitida sanoat tarmoqlarining barqaror rivojlanishi hamda korxonalar raqobatbardoshligini ta’minlash ko‘p jihatdan ishlab chiqarish tarkibining maqbulligi va hududiy joylashuvining samaradorligiga bog‘liqdir. Globallashuv jarayonlarining chuqurlashuvi, ichki va tashqi bozorlarda raqobatning kuchayishi, resurslar cheklanganligi sharoitida sanoatni diversifikatsiyalash strategik zaruratga aylanmoqda. Diversifikatsiya iqtisodiy kategoriya sifatida ishlab chiqarish faoliyatini turli yo‘nalishlar, mahsulot turlari va hududlar kesimida kengaytirish, tarkibiy o‘zgarishlarni amalga oshirish hamda iqtisodiy xavflarni kamaytirishga qaratilgan jarayonni anglatadi. Hududlararo diversifikatsiya esa sanoat tarmoqlarini bir hudud doirasida jamlashdan ko‘ra, ularni turli hududlar kesimida maqbul taqsimlash, hududlar o‘rtasida ishlab chiqarish kooperatsiyasini kuchaytirish va iqtisodiy integratsiyani chuqurlashtirishni nazarda tutadi.
